Изминатиот викенд во регионот на АЗОТ беа поставени две нови инфо табли со модерни мапи за велосипедски и планинарски патеки во овој регион.

Со ова бројот на вакви табли порасна на пет, а се поставени на видливи места кои ќе овозможат визуелно проследување на велосипедската патеки во овој регион со вкупна должина од 53,5 км. Покрај овие табли, во наредниот период ќе се постават и 20-на дрвени столбови со јасни видливи знаци кои ќе им помагаат на сите велосипедисти и планинари во природата. Со оваа акција бројот на поставени дрвени столбови ке порасне на 60-на и преку 100 други визуелни знаци.

   

Сите овие знаци за движење низ отворен простор се  поставуваат во пресрет на одржувањето на 5-от по ред Outdoor Festival АЗОТ 2019 мтб предизвик кој ќе се одржи на 25-26 мај со централно место во с.Богомила. За времетраењето на настанот се очекува во Богомила и околните населени места да учествуваат преку 400 велосипедисти, планинари и дополнително преку 1000 останати посетители.

Поставувањето на инфо таблите, столбовите и визуелните знаци се во склоп на проектот „Обележување на патеки за планински велосипедизам“ финансиран од Амбасада на Република Словачка во Скопје, а е спроведен од здружението на граѓани за планински велосипедизам ВЕЛЕС БАЈКИНГ од Велес

Сите информации за 5-th Outdoor Festival АЗОТ 2019 мтб Предизвик можете да ги најдете на нашиот веб портал www.velesbiking.mk  и на Facebook профил https://www.facebook.com/velesmountbiking/