ЗИМСКА ТРЕНИНГ ЗАМЕНА ЗА ВЕЛОСИПЕДИСТИ (А НЕ Е ТРЕНАЖЕР)

Да бидеш велосипедист во идеални временски услови е лесно, арно ама, да бидеш велосипедист на температури под нулата треба да си многу мотивиран и екстремно посветен на спортот. На сите оние кои не се штедат на ваквите услови им симнуваме капа, за останатите имаме решение за одржување на формата и одлична подготовка за претстојната сезона.

Качувањето на скали е одлична вежба која, во вистинска смисла на зборот, може да го подигне вашето фитнес ниво на повисок степен. Без разлика на тоа дали ќе ја одберете како дополнителен силов тренинг или како основен вонсезонски тренинг, качувањето и симнувањето скалила со сигурност ќе ви донесат бројни придобивки.

На прво место треба да кажеме дека велосипедизмот и качувањето скали се потполно комплементарни, односно, ги активираат истите мускули и мускулни групи. Понатаму качувањето скали ги користи истите зглобови во долниот дел на телото како и велосипедизмот. Тоа би значело дека една сесија тренинг на скали ќе ги активира вашите глутеуси, квадрицепси, листови и задна ложа и ќе ги раздвижи колковите, колената и зглобовите на стапалото.

Оттаму ваквата активност е одличен крос тренинг бидејќи идеално ги реплицира движењата и подобрува перформансите во специфичен спорт, и плус е супер промена во тренажната монотонија.

Качувањето скали е одличен начин за подигнување на издржливоста. Во една студија објавена во British Journal of Sports Medicine, било заклучено дека жените кои водат слабо активен начин на живот и отпочнале со качување на скали, имале зголемување на нивниот максимален аеробен капацитет (VO2max) за цели 17%. Било која активност која вклучува употреба на големи групи на мускули, како што е качувањето скали, позитвно влијае врз VO2max и зголемена издржливост.

Како би требало да изгледа еден тренинг?

Прво, најдете скали кои имаат барем дваесетина скалила. Загрејте се така што ќе се качувате и симнувате во лесно темпо во период од 5 до 10 мин. Потоа почнето со побрз ритам на качување во период од 10 мин, надолу одете полека. Потоа следи сет од 10 мин во кои ќе качувате под 2 скали одеднаш, а надолу ќе одите полека и за крај 5 мин прескокнување по 3 скалила со споро спуштање. На крај одете на рамно 5-10 мин.

Во текот на тренингот или непосредно пред него можете да работите силов тренинг за горниот дел од телото кои ќе вклучува сопствена тежина или користење на тежина.

Превземено од: http://karas4training.com/mk 

03 Јануари 2018

1996total visits,4visits today

You may also like...