Соседна Србија развива туризам на две тркала

Според последните податоци низ Европа преку милион велосипедисти годишно својот годишен одмор го користат за истражување на нови коридори за авантуристички тури со велосипед. По детална анализа, познавачите на овој вид туризам во Србија дошле до сознание дека низ Србија туринг-велосипедистите се задржуваат просек по 10 дена и реално од нив може добро да се  заработи.

Како илустрација неколку интересни податоци:

  • регионот на Алпите во Австрија повеќе заработува од велосипедистите отколку од скијачите;
  • Во земјите на ЕУ на секои 1.000 жители има 500 велосипеди, а секоја година се продаваат по 15 милиони нови велосипеди;
  • 45% од Германските туристи при одење на одмор носат најмалку еден велосипед
  • Првата година од отворањето на велосипедската рута Братислава – Будимпешта патеката ја поминале преку 300.000 велосипедисти;
  • 19 милиони жители на Европа годишниот одмор го поминуваат со велосипед;

Сите овие податоци нашите соседи во Србија добро ги анализирале, Србија е дел од Дунавската рута која го спојува Атлантикот со Црното Море и оваа предност им дава надеж дека доколку овозможат Европски услови, ќе привлечат преку 100.000 туринг туристиво текот на една година. Непобитен факт е дека Балканот сам по себе е возбудлив, атрактивен и релативно неистражен дел на Европа за овој вид на туризам. Српскиот Претседател на Велосипедската Федерација Бранко Бановиќ изјавил дека „доколку странците се повеќе ги возат планираните рути низ Србија, од локалните туристички организации зависи колку тие ќе ги остават парите во Србија. Секако, најпрво тоа треба да се сработи комплетна стратегија и да се направат  сите можни правци за подобро и полесно привлекување на туристите на две тркала. Велосипедскиот сојуз на Србија прави обид  да ја промовира и тнр. „Савска Рута“ (од влезот на Србија со до Ушче) или пак промоција на тнр „Моравска рута“.

Во западна Србија веќе постојат 15 мапирани рути со преку 400 км велосипедски патеки долж Дрина, а највеќе велосипедисти-туристи има на Златибор и на Тара.

Што се однесува до Македонија, за жал, сеуште е мал бројот на оние кои размислуваат на оваа тема. Велосипедските патеки сеуште се тема за која финансиските средства за нивна изработка се „фрлени пари во бунар“ па затоа и сеуште не сме ни на почетокот на омасовување на овој вид на туризам. Мала доза на оптимизам има во поединечните напори на дел од туроператорите кои имаат солиден број на туристи, кои сепак доаѓаат авионски или на друг начин- не директно со велосипед. Во секој случај оваа тема бара детално и студиозно приоѓање, затоа што дефинитивно доаѓа ерата на велосипедизмот, посебно оној туристичкиот

Велес Бајкинг

извор: bajsologija.rs

887total visits,33visits today

You may also like...