Прва посета на Богомила за оваа 2018 година

Во очекување на 4-от настан #АЗОТ2018мтбПредизвик, изминатиов викенд го посетивме с.Богомила.

                     

   На 90-на дена до #АЗОТ2018мтбПредизвик , припремите полека си добиваат на динамика и интензитет.

   Првата посета на Богомила ја одредивме како една локална вело-тура, возење точак до Богомила и назад. По пат, посета и разгледување на преубавиот крај на АЗОТ-от. Искачувањето на  5км од „долги рид“,  пауза кај рибникот Оморани и нормално сликање на мовчето, преубавото Теово и пауза кај јаворот од 15-ти век. Така, се до крајната цел – Богомила.

   Прв таргет ни беше средбата со месното население. Подобро место од таква средба од „коперацијата кај Борис Трајковски“ – нема, па затоа правец- таму. Малку одмор од 45-те километри поминати на точак, и муабет со затекнатите гости таму. Плус, неделно, празник Прочка. Си побаравме прошка, нели сме помали, а и таков е адетот. Искрено, и самите Богомилчани, за разлика од другите години, оваа година со нетрпение го очекуваат настанот. Велат, лани беше преполно и од велосипедисти, а богами и од останати гости. Верувам дека и оваа година ке  биде исто, дури и подобро.

        

Ќе има повеќе вакви средби, полека „се селиме“ во Богомила. Ке биде убаво во последната недела од мај, во тоа сме сигурни.

Кој е заинтересиран, нека ги следи нашите објави и слики. До почетокот на #АЗОТ2018мтбПредизвик ќе ги има премногу..

#АЗОТ2018мтбПредизвик

#Azot2018MtbChallenge

#bikingveles

 

3567total visits,2visits today

You may also like...