Обележана Европската недела на мобилност во Велес

Во рамките на проектот R2M – „Ready to Move” („Подготвени за движење”), со кој Општина Велес минатата седмица ја одбележа Европската недела на мобилност се реализираа низа активности со кои се обележа овој настан. Проектот го подготви тим од општината, а финансиски беше поддржан од Германската агенција за меѓународна соработка (GIZ). Од 16 до 22 септември, секој ден се реализираше по една активност.

Започнувајќи од првиот ден – понеделник 16.09.2019 каде во детската градинка стотина деца од градинката „Димче Мирчев” беа дел од едукативно – интерактивна работилница која имаше за цел да го презентира велосиедот како алтернативно превозно средство.

Вториот ден – вторник 17.09.2019 беше резервиран за презентација на финалната верзија на Планот за одржлива урбана мобилност (ПОУМ) кој нуди интегрирани решенија за сообраќајот и сообраќајната инфраструктура во Велес.

Третиот ден, среда 18.09.2019 Општина Велес заедно со ЗГ Велес Бајкинг организираше ноќна велосипедска рекреативна тура насловена „Bike2Night” („Вози велосипед вечерва”). На овој несекојденевен настан учествуваа 70-на учесници кои извозиј до езеро Младост и назад, под будно присуство на МВР Велес, сектор за сообраќај.

   

Четвртиот ден, четврток 19.09.2019 беше најголемито настан „Училиште за велосипеди“ каде во младинскиот парк во Велес во соработка со Здружението на љубители на велосипедизмот “Велес бајкинг” од Велес и ЗГ ” Еко Логик” од Скопје, денес во Младинскиот парк организираа едукативно – интерактивна работилница за младите од Велес, со цел совладување на вештините на управување со велосипед. „Вело родео”, еко “Не лути се човече” во реална големина, вело меморија, еко квиз и др. Бесплатно сервисирање на велосипеди во форма на „Амбуланта за велосипеди“  беа дел од активностите на кои се вклучија повеќе од 150 ученици од основните и средни училишта од градот.

        

Петтиот ден беше промоција на идејните решенија за одделни пешачки премини во Велес, каде се исцртаа неколку пешачки премини на неколку локации во Велес, а еден од нив доби и 3D изглед.

   

Претпоследниот ден беше резервиран за пешачење. Педесетина вљубеници во пешачењето попладнево се искачуваат на Вршник. Општина Велес во соработка со здружението „Грин Пауер” заедно со сите останати планинарски клубови и здруженија организираа рекреативна тура, односно искачување на најблискиот велешки рид Вршник (450мнв) со цел промоција на пешачката патека од реката Тополка до Вршник.

   

Со затворањето на дел од улицата „8 Септември”, Општина Велес го одбележа Денот без автомобили. Во рамки на проектот R2M – „Ready to Move” („Подготвени за движење”) тоа беше последната од низата активности кои беа реализирани во текот на изминатава седмица, со што Општина Велес од 16 до 22 септември ја одбележа Европската недела на мобилност🇪🇺.

   

Здружението на љубители на велосипедизмот ВЕЛЕС БАЈКИНГ активно и волонтерски учествуваше на сите ови изминати активности. од сите 7 настани, нашето здружение учествуваше на вкупно 5, што за нас преставуваше огормно задоволство.

556total visits,15visits today

You may also like...