Нови Сад се кандидираше за домаќин на ЕП за MTB за 2021 година

 Градоначалникот на Нови Сад Милош Вучевиќ и членот на градскиот совет за спорт и млади Огњен Цвјетичани го примија генералниот секретар на Европската Федерација за велосипедизам Енрике дел Казуа кој престојуваше во дводневна работна посета на Нови Сад по повод кандидатурата на градот за Европското првенство за планински велосипедизам во 2021 година.

 Во изминатите две години, Нови Сад бил домаќини на најдобрите велосипедисти во Европа и во светот, како дел од подготвителните натпревари потребни за време на кандидатурата. Велосипедскиот клуб „Нови Сад“ и Велосипедската Федерација на Србија добиле највисоки оценки за организирање на овие трки со што се исполнети условите за одржување на Европското првенство 2021 година.

 Да додадеме дека Нови Сад има развиена велосипедска „Критична маса“ која е формирана во 2011 година и која за време на организација на нивните манифестации стотици велосипедисти излегуваат на улица и земаат учество за заедничка цел – зголемена масовност за употреба на велосипедот. Моментално во Нови Сад има обележано градски велосипедски патеки во должина од  60 км. Во близина на Нови Сад на Фрушка Гора се наоѓа и првата патека за планински велосипедизам Bike park Bukovac .

 Од рубриката „Во меѓувреме“, како за споредба, Нови Сад е на надморска висина од 80 м, што би рекле дека воопшто нема услови за планински велосипедизам. и многу нелогично, кај нас како претежно планинска земја, скоро и да немаме патеки за планински велосипедизам ( со исклучок на Водно и Пелистер)

780total visits,11visits today

You may also like...