Еврејка 2019

Уште еден викенд исполнет со велосипедски авантури, недопрена природа, дружење и запознавање со убавините на Македонија.

Прв пат ја возиме оваа дестинација. Турата иако се одржува по 4-ти пат, од страна на организаторот Михаил дознавме дека изминатите години поголем акцент било ставено на возењето со теренски возила, додека за планински велосипдисти имало многу малку. Оваа година сето тоа е корегирано и на наша радост, имаме нова тура која е ивстинско освежување.

Петчлената екипа од наша страна веќе на стартот бевме спремни за нови предизвици. Стартот во 10:00 од плоштадот во Демир Хисар и возењето на првите 20-на км по асфалт не беа никаква причина да не очекуваме позитивни моменти од турата.

    

Само што навлеговме во off road патеката се осети свежината кај сите учесници, па нели сите си ги бараме своите задоволства. Прва пропратна станица – с.Церово. Потоа, по рамнорено благ наклон кон нагоре се до манастир св.Илија – едно 10-на км возевме по интересен предел, опкружен со борови и дабови дрвја, а покрај нас храна и витамини на секој чекор – од капини, малини, јагоди, киселица.. се што може природата да ти подари го има овде во изобилие. Штета што ние како човечки род не само што не и возвраќаме туку и ја уништуваме, а со тоа се уништуваме и самите….

По некаде  4-5 часовно возење, кој колку има сил, стасавме до местото наречено „Еврејка“ по која е и наречена оваа тура на висина од 1660мнв. Погоре е вистинскиот врв на 1725мнв од каде има прекрасен поглед кон Преспанското езеро. Убавина за сите пари. Тука некаде  и завршува првиот делна турата, односно она „мачење“ и искачување, туркање и се она што следува на вакви тури. Од тука започнува урнебесниот спуст, се до манастирот Св.Петар и Павле во с. Смилево каде не чека топло гравче. Славното Смилево, го испуштивме конгресот со комитите, ама со овие бајкерскиве комити не испуштивме да си поседиме во манастирот и да го вдишеме комитскиот воздух кој и после 100-на години се насетува овде. За следна година секако ќе го вклучиме и Смилево во агендата на посета, оваа мораме да се вратиме со ден до Велес..  🙂

       

На крај организаторот се потрудил да ни додели и некоја благодарница, со што го комплетираше впечатокот за скромен но сосема добар вело настан, настан кој вреди да се посети најмалку уште еднаш. За ова последново ние сме сигурни дека ќе дојдеме повторно. Честитки за организацијата, се гледаме догодина.

Да живее Македонија и убавините кои таа ни ги подарува!!!

292total visits,2visits today

You may also like...