Експерти за велосипедски патеки од Словачка во посета на Македонија

  Изминатиов викенд во посета на Македонија, на покана на здружението на граѓани ВЕЛЕС БАЈКИНГ од Велес беа Roman Kalocay и Martin Siska, врвни експерти од Словачка чија професија е креирање на велосипедски патеки, Downhill велосипедски патеки за аматери и професионалци.

       

  Изминатиот викенд домаќините на оваа средба ВЕЛЕС БАЈКИНГ од Велес и Амбасадорот на Р.Словачка во Скопје, г-н Хенрик Маркуш,  го посетија регионот АЗОТ каде Велес Бајкинг во 2015 година изврши маркација на патека долга 52км. Во текот на тридневниот престој Роман Калочај и Мартин Сиска им ги пренесоа своите искуства на членовите на здружението и при тоа направија обиколка на патеката во должина од 43км на релација с.Богомила-с.Црешнево-с.Нежилово-пл.дом Чеплес-с.Папрадиште-с.Богомила кое е всушност и патека каде секоја последна недела од месец мај се организира познатата мтб тура „АЗОТ мтб Предизвик“.

       

  На оваа размена на искуства беше посочено дека за разлика од Словачка, планискиот велосипедизам во Македонија сеуште е на ниски рамки и тој претежно се вози низ патеки кои се користат од повеќе субјекти, односно само се маркира правецот на движење  и трасата низ која поминуваат планинските велосипедисти. За разлика од Македонија, во Словачка во најголем дел постојат професионални патеки – PumpTracks, кои можат да се користат  во сите временски услови и за сите возрасти и нивоа на велосипедисти. Овие патеки финансиски чинат околу 8-10.000 евра за 1км патека, што реално за Македонски услови во овој момент не е достижно.

        

  И покрај евидентните разлики во пристапот кон планинскиот велосипедизам, Словачките експерти и Македонското здружение Велес Бајкинг договорија многу заеднички активности кои ќе се спроведуваат во наредните три години.

  Соработката помеѓу Словачките и Македонските велосипедисти беше овозможена со посредство на Амбасадата на Р.Словачка во Р.Македонија, амбасадорот г-н Хенрик Маркуш кој е голем љубител на планинскиот велосипедизам, помогна за добивање на мини грант финансиски средства за маркација на велосипедски патеки во регионот на АЗОТ во наредните две години.

                 

2063total visits,4visits today

You may also like...