Двајца Прилепчани го посетија Истанбул со точак

Младите Прилепчани Филип Илиоски и Христијан Мојсоски поминаа 850 км на релација Прилеп-Истанбул-Прилеп за 5 дена.

Нивната авантура која самите ја нарекоа “Bike Tour Bosphorus” ја совладаа за релативно краток период. Велат дека турата била тешка, но се заборавале сите маки откако се исполнил сонот.

„Успешно ја завршивме замислената тура од Прилеп до Истанбул, односно од Европа до Азија. Турата помина без никакви технички проблеми. поминавме 5 прекрасни дена за паметење. Иако не беше воопшто лесно, поминавме низ секакви временски услови, жештина, ветар во гради, од време на време навигацијата не водеше низ каллив и непрооден терен, со многу висинско искачување, вкупно 7.000 метри во тие 850 километри“ – Изјавија и Филип и Христијан.

Филип и Христијан се дел од велосипедското здружение „Маркови точакџии“ од Прилеп, едно од многуте здруженија кои дејствуваат во Прилеп, што покажува дека Прилеп со право полека станува вело-град.

Честитки за нивниот успех. Мотив повеќе за сите потенцијални авантуристи да седнат на точак и да си ги обележат своите дестинации.

1591total visits,2visits today

You may also like...