6-та рекреативна велосипедска тура „Питијада 2019“ во Велес

Во организација на здружението на граѓани,љубители на планински велосипедизам ВЕЛЕС БАЈКИНГ од Велес, 6-ти пат по ред се организираше оваа рекреативна тура кој има за цел промоција на Велешката околија со сите нејзини убавини и недостатоци, како и промоција на далеку познатата Велешка Пита Пастрмајлија.

        

Рекреативната велосипедска тура „Питијада 2019“ оваа година во својата програма имаше две патеки и тоа голема патека во должина од 44,19км со елевација од 775м и мала патека во должина од 27,43км со елевација од 427м.

Сите учесници се собраа на плоштад Сармаале каде беше и регистрацијата на сите учесници, а официјалниот старт на турата беше на паркингот пред Топиллницата. Се возеше на релација Топилница – манастир Св.Петка ( од левата страна на Вардар), од каде сите учесници ја возеа главната атракција на настанот – дрвен висечки мост над реката Вардар. По ова учесниците поминаа низ селото сопот, мини пауза и посета на винарија Шато Сопот, па од таму преку Велешко езеро се упатија до с.Рудник. Оттаму преку с.Лугунци, локалитетот „Бела Вода“ и повторно преку „рибарскиот пат“ се до с.Башино. Долж двете патеки со претходна волонтерски акции на членовите на Велес Бајкинг беа поставени 76 дрвени патокази, ленти за обележување, и многу други алатки за маркација на патеката, со цел сите учесници удобоно да ги поминат сите делови од патеката, без некој да ја промаши. На крај, организаторот на сите учесници им приреди забава и дружење во етно селото на Хотел Монтенегро.

           

По реакција на сите учесници, и оваа како и изминатите години почнувајќи од идеалните временски услови, условите на патеките па се до перфектната организација ја формираа комплетната слика на овој настан. Секако, како и секој друг настан и тука имаше неколку пропусти ( тотална незаинтераност на клучни јавни институции за поддршка и учество на ваков настан), но спеак организаторите на крај успееа да добијат позитивни критики како од учесниците, така и од граѓаните на Општина Велес и населените места околу Велес

Како што веќе споменавме, на овој рекреативен велосипедски настан учествуваа 250 велосипедисти од сите градови и во сите возрасти. Покрај тоа што учествуваа голем број на велосипедски здруженија, клубови и организации, како поединци да обележиме дека највозрасен учесник на овој настан беше Ѓорѓи Јосифовски од Скопје кој ја извози турата на свои 70 години, а истата патека ја извози и  Ѓорѓи Пасков од Неготини кој има само 8,5 години.

На крај, да додадеме дека овој настан беше од хуманитарен карактер. Организаторите – Велес Бајкинг решија да одвојат дел од уплатената котизација и да набават садници за пошумување на неодамна опожареното Велешко Езеро. Со набавените садници во текот на ноември ЗГ Велес Бајкинг ке организира акција за пошумување на Велешко езеро, или пак, доколку има организирано пошумување на езерото, Здружението Велес Бајкинг и сите заинтересирани учесници од сите градови ќе се приклучат на тој настан. Со ова сите учесници симболично сакаат да помогнат во обновувањето на зеленилото на Велешкото езеро.

                                     

1195total visits,1visits today

You may also like...